Когнитивен развој кај детето од 3 до 7 години

 

Когнитивниот развој подразбира конструкција на мисловни процеси вклучително мислење, помнење, решавање на проблеми и донесување одлуки.

 

Некогаш се верувало дека новороденчињата немаат способност да размислуваат или формираат сложени идеи и остануваат без сознание додека не научат да зборуваат. Сега е познато дека бебињата се свесни за околината и се заинтересирани за истражување од времето кога се раѓаат. Од раѓањето, бебињата почнуваат активно да учат. Тие собираат, сортираат и обработуваат информации од нивната околина, користејќи ги податоците за да развијат вештини за перцепција и размислување.

 

Когнитивниот развој се однесува на тоа како човекот перцепира, размислува и стекнува знаења за светот околу себе. Меѓу областите на когнитивниот развој вклучуваат обработка на информации, интелигенција, расудување, развој на говор и меморија.

 

За полесно следење на когнитивниот развој во понатамошниот текст издвоени се одредени клучни функции кои детето треба да ги совлада според возраста:

3 - 4 години

      • именува големи и мали објекти 
      • покажува долги и кратки предмети
      • категоризира предмети според боја 
      • организира предмети според големината и формата
      • покажува 10 делови од телото на вербален налог
      • посочува момче или девојче на вербален налог
      • учи со опсервација и слуша и разбира упатства
      • го оджува вниманието околу 15 минути
      • комплетира сложувалка од 6 дела без грешки или потешкотии
      • станува свесно за минатото и сегашноста 
      • именува 3 бои на барање
      • децата стануваат многу поактивни во процесот на учење. Тие исто така почнуваат да поставуваат прашања за светот околу нив. Зошто? станува многу вообичаено прашање на оваа возраст 

4 - 5 години

      • детето станува подобро во користењето зборови, имитирајќи активности на возрасни и други основни активности
      • црта цртежи кои што честопати ги именува и опишува
      • брои до 5
      • црта човечка фигура
      • ги идентификува и именува скоро сите бои
      • идентификува зборови кои се римуваат
      • повторува познати кратки песнички (рими)
      • именува време од денот во асоцијација со активностите
      • знае да каже каде живее (се мисли на град, држава, понекогаш и улица)

5 - 6 години

      • ги препознава повеќето букви од азбуката
      • може да брои до 10 или повеќе
      • ги разбира основните концепти на времето
      • знае за што се користат предмети за домаќинството, како што се пари, храна или уреди
      • црта едноставни цртежи со детали
      • ги препознава и препишува цифрите до 10
      • препознава и пишува некои букви
      • го препишува своето име

6 - 7 години

      • на оваа возраст детето има проширен вокабулар со кој може да изразува интереси, мисли и чувства со одлични детали
      • ги користи јазичните вештини како средство за социјализација
      • чита и пишува едноставни зборови/реченици
      • ужива во предизвиците на игри и загатки
      • бои во рамките на линиите
      • правилно го држи моливот
      • гради тридимензионални објекти од коцки
      • сече едноставни форми