Формирање на рутини и ритуали кај децата
Значење на рутините и ритуалите
На штотуку роденото дете светот му е непознат. Првите месеци на неговото живеење подразбираат континуирано откривање на опкружувањето. Бидејќи родителите се тие кои први го воведуваат детето во светот, од голема важност е тие да му го организираат опкружувањето пришто ќе применуваат фиксни распореди и повторливи активности и на тој начин ќе му овозможат на детето да асимилира шеми на однесување.
Рутините и ритуалите се секојдневни активности кои се важни за добро функционирање, како на поединецот, така и на целото семејство. Воспоставените рутини во семејството ја намалуваат појавата на проблематичното однесување кај детето. Преку рутините и ритуалите, а со тоа и создавањето на навиките, на детето му се нуди стабилно опкружување во кое детето ќе може да учи и да се образува, како и да ја развива сопствената самодоверба.
Рутините може да се научат рано, но не се јавуваат сами од себе, затоа е потребно родителите да бидат истрајни во нивното воспоставување и упорно повторување. Кога детето ќе ја совлада рутината кај него се создава чувство на сигурност и пријатност бидејќи знае што може да очекува, a истовремено учи дека секоја активност се случува во свое време и место. Воспоставувањето на рутини ги намалува конфликтните ситуации, дава чувство на ред и ја олеснува соработката меѓу детето и членовите од семејството.
Рутините кои со тек на време се повторуваат овозможуваат детето да препознава која активност ќе се изведува и во кој период од денот. Повеќето рутини се однесуваат на секојдневните активности, како на пр. рутини за време на јадење, облекување, миење заби, утрински, вечерни рутини и сл.
Ритуалите имаат емоционално значење давајќи му на поединецот чувство на припаѓање во семејството. Со вклучување на ритуалите во секојдневието на детето не само што се зајакнува неговата самодоверба туку и родителството се збогатува преку поубаво поминато заедничкото време, а меѓусебниот однос станува поквалитетен.
Како да се воведат рутини и ритуали кај детето
Секојдневните рутини на детето му даваат еден вид прегледност во текот на денот. Воспоставувањето на рутини кај детето се започнува уште додека е бебе иако во првите неколку месеци може да бидат повеќе променливи поради самите развојни промени кај бебето.
Доброто планирање на рутините, предвидливост и редовност се трите клучни точки за нивната успешност.
При формирање на рутини потребно е да се применува следново:
-
-
- покажете доследност, но и флексибилност
-
Она што е важно е активностите во текот на денот да се извршуваат по ист редослед и во вообичаеното време. Но тоа не значи дека треба следењето на рутината да се изедначи со следење на часовникот. На пример, при изведување на рутината за заспивање многу е поважно да се следи уморот на детето отколку да му се робува на часовникот. Покажете флексибилност и обрнете внимание на потребите на детето следејќи ги знаците кои ги дава детето кога му се спие, или пак кога е гладно и слично. Искористете ги тие знаци како основа за градење на одредена рутина.
