Дете 0 – 1 година

Груба моторика 

• • • детето се превртува од стомак на грб, но и обратно
    • во лежечка положба на стомак детето се потпира на рацете испружени целосно во лактите
    • во положба на грб ги подава рацете кога пробуваме да го ставиме во седечка положба
    • седи кратко со помош или со потпирање пред себе
    • ако го исправиме на нозе со држење под пазуви, ја носи сопствената тежина

Фина моторика 

• • • посегнува по предмети и ги префрлува од една во друга рака пред градниот кош
    • ја користи целата дланка (палмарен фат) кога му поддаваме еден предмет

Сензорен развој 

• • • детето ја гледа играчката која ја држи и ја става во уста, ако му падне играчката ја следи со поглед
    • ако слушне звук пробува да го најде изворот на звук
    • до крајот на 6-тиот месец детето ги препознава блиските луѓе и реагира на непознати со плачење или чудење (фиксиран поглед)

Говорен развој

• • • детето почнува да изговара нејасни слогови како што се „да, па, га, ка, ба“ но тие немаат значење
    • кога го имитирате слогот што детето го изговара, тоа пробува да Ве повтори

Груба моторика 

• • • детето самостојно се доведува до ползечка позиција
    • лазењето треба да го има, но некои деца оваа фаза може и да ја прескокнат
    • самостојно се доведува до седечка положба користејќи ги екстремитетите и прави обид да се исправи

Фина моторика 

• • • самостојно посегнуваат со рацете по предмети кои ги држи друго лице
    • фатот во оваа фаза е со палецот и показалецот во опозиција
    • зема мали предмети и ги носи кон устата
    • подобрена е билатерална координација (истовремено и организирано користење и на левата и десната рака при извршување на одредена активност)

Сензорен развој

• • • пробува да фати предмет кој му е во близина и ја променува положбата во која се наоѓа со цел да го дофати предметот
    • со радост реагира на играта „криенка“
    • предметите ги префрла од една во друга рака
    • кратко време може да држи по еден мал предмет во двете раце
    • удира играчки една од друга
    • кога е легнато на грб си ги става нозете во уста

Говорен развој

• • • до крајот на 9-тиот месец детето може да каже два јасни слогови на пр. „ба-ба“, „па-па“ итн.

Груба моторика 

• • • детето лази со голема сигурност и вешто го прави тоа
    • додека е легнато на грб, самостојно седнува и со мала помош се исправа
    • самостојно и сигурно седи со развиена предна и странична реакција на пр. дофаќа предмети кои му се ставени пред него и на страна
    • прави чекори странично, фатено за кревет или доколку се држи за рака чекори нанапред

Фина моторика 

• • • става предмети во кутија и ги вади
    • ги турка со раце предметите кои не ги сака
    • посегнува по ситни предмети на пример трошки или етикети на облека

Сензорен развој

• • • го интересираат деталите на играчките, ги допира и истражува
    • ги фрла предметите со цел да произведе звук
    • кога се облекува ги подига рацете или ја протнува ногата во ногавица
    • покажува со прст кон тоа што го сака

Говорен развој

• • • кога друго лице ќе му направи „Чао“ со раката, детето повторува
    • извршува кратки налози како на пр. „Дојди“, „Крени раце“, „Дај ми“ итн. 
    • на прашање „Каде е топката?“, детето погледнува во топката
    • до крајот на дванаесетиот месец кажува збор со значење на пр. „Ба-ба“, „Ма-ма“ итн.

Исхрана

Во овој период детето треба да почне да јаде тврда храна. Таа е од големо значење за развојот на оралната мускулатура. 

• • • детето сака да ја допира храната и јаде со прсти
    • ја држи лажицата, но сѐ уште не се храни самостојно