Vetëshërbimi – kujdesi për vetën
prej 3 deri më 7 vjeç
Pas lindjes, fëmijët janë plotësisht të varur nga prindërit e tyre, por derisa rriten, ngjarje të mëdha ndodhin në jetën e tyre, për shembull, mësojnë të mbajnë shishe, të ulen, të shtyjnë ose të tërheqin sende, të mbajnë takëm për të ngrënë, mësojnë të zvarriten dhe në fund lëvizin në mënyrë të pavarur. Lëvizja e pavarur hap një botë krejt të re për këta fëmijë të vegjël dhe paraqet mundësi që të fillojnë t’i zhvillojnë aftësitë për kujdesin ndaj vetes dhe pavarësinë.
Kujdesi për vetën përfshin një sërë aftësish që në të vërtetë janë detyra të përditshme që do të mundësojnë që fëmijët të jenë të gatshëm të marrin pjesë në aktivitetet e jetës (zhveshja / veshja, ngrënia, larja e dhëmbëve, etj.). Këto shpesh quhen aktivitete të jetës së përditshme.
Dhënia e mundësisë një fëmije për të fituar aftësi të kujdesit për vetën është një pjesë e rëndësishme e rritjes dhe zhvillimit të tij. Koha dhe përpjekja që i keni bërë për të nxitur kujdesin për vetën është një mënyrë e sigurt për ta ndihmuar fëmijën tuaj që të ndihet i aftë. Të mësuarit të vishet, t’i lajë duart, të mbajnë çantën dhe detyrat e tjera të thjeshta u ndihmoni fëmijëve të zhvillojnë një ndjenjë të autonomisë dhe përgjegjësisë.
Të mësuarit e fëmijës të bëjë detyra të thjeshta të vetëshërbimit është një mënyrë e sigurt për të mbështetur zhvillimin e vetëbesimit tek çdo fëmijë.
T’i japësh fëmijës kohë për t’i mësuar aftësitë e vetëshërbimit, të keni durim dhe ta mbështesni fëmijën në këtë fushë në moshë të hershme, do të thotë të ndikoni në mirëqenien dhe lumturinë e tij afatgjatë.